የኢፌዴሪ ጠቅላይ ሚኒስትር አብይ አህመድ በኡጋንዳ እና ግብፅ የሚያደርጉትን ይፋዊ የስራ ጉብኝ ዛሬ ጀመሩ

የኢፌዴሪ ጠቅላይ ሚኒስትር አብይ አህመድ በኡጋንዳ እና ግብፅ የሚያደርጉትን ይፋዊ የስራ ጉብኝ ዛሬ ጀመሩ

——————————————————

ጠቅላይ ሚኒስትሩ በኡጋንዳና ግብፅ በሚያደርጓቸው ጉብኝቶች ከሀገራቱ ፕሬዚዳንቶች እና ባለስልጣናት ጋር በሁለትዮኝ እና አህጉራዊ ጉዳዮች ውይይት እንደሚያደርጉ ነው የሚጠበቀው።

ጠቅላይ ሚኒስትር ዶ/ር አብይ አህመድ የኡጋንዳ ጉብኝታቸውን ካጠናቀቁ በኋላ ወደ ግብፅ እንደሚያመሩ ይጠበቃል።

በኡጋንዳ በሚያደርጉት ይፋዊ የስራ ጉብኝት በሀገሪቱ 29ኛው ብሄራዊ የጀግኖች በዓል እንደሚታደሙ ታውቋል።

በዚህ ብሄራዊ በዓል ላይ ጠቅላይ ሚኒስትር ዶክተር አብይ ለአፍሪካ እና ለኡጋንዳ መልካም ስራ ለሰሩ ሰዎች ሀገሪቱ የምታበረክተውን ሜዳሊያ በፕሬዚዳንት ዮዌሪ ሙሴቬኒ ይበረከትላቸዋል ተብሏል።

ይህ ሽልማት በተለያዩ ጉዳዮች አስተዋፅኦ አበርክተዋል ተብለው ለተመረጡ አፍሪካዊ መሪዎች የኡጋንዳ መንግስት የሚበያበረክተው ሽልማት እንደሆነም ተገልጿል።

ኡጋንድ ይህን የብሄራዊ የጀግኖች በዓል ከፈረንጆቹ 1989 ጀምሮ ለሀገራቸው ነፃነት፣ ሰላም እና ዴሞክራሲ ራሳቸውን አሳልፈው ለሰጡ ዜጎች እውቅና ለመስጠት በየአመቱ የምታከብረው ብሄራዊ በዓል ነው።

የሀገሪቱ ፕሬዚዳነት ፅህፈት ቤት እንዳስታወቀው በዚህ ብሄራዊ በዓል ኡጋንዳ ለሀገራቸው በጀግንነት በጎ አስተዋፅኦ ላበረከቱ 250 የሚጠጉ ሰዎች ሜዳልያ ይሰጣል።
ጠቅላይ ሚኒስትር አብይ ቀደም ሲል በጅቡቲ፣ ሱዳን ፣ኬንያ ፣ሳዑዲ አረቢያ እና የተባበሩት አረብ ኢምሬቶች ጉብኝት ማድረጋቸው ይታወሳል።


Leave a Reply

Your email address will not be published.

Subscribe to Blog via Email

Enter your email address to subscribe to this blog and receive notifications of new posts by email.

Join 920 other subscribers